Energitiltak og sal
Kommunen gjorde energitiltak i seks utleigebustader og selde deretter bustadene til leigetakarane, ved hjelp av startlån. Det gav lågare utgifter og større økonomisk tryggleik for bebuarane.
Tilskot til energitiltak i kommunale bustader
Tilskotet skal gå til tiltak som minskar behov for energi i kommunale utleigebustader, omsorgsbustader og sjukeheimar.
Målet er at dei som leiger bustad av kommunen skal få lågare utgifter til kjøpt energi og ei permanent forbetring av bygget dei bur i.
Viktig informasjon om tilskotet i 2026
Vi har justert berekningsmodellen for 2026. Den er blant anna oppdatert med dagens kostnader og effektinnsparingar for dei ulike tiltaka, og nokre av vilkåra er endra. Målet er at ordninga framleis skal være enkel å søke på og treffe enda betre.
Merk spesielt følgande endringar:
- Dører kan bli inkluderte i arealet når de søker om tilskot til utskifting og oppgradering av vindauge.
- Tiltaket «etterisolering av yttertak/kaldt loft» er delt i to: «etterisolering av yttertak» og «etterisolering av kaldt loft».
- Verdiane som skal leggast inn i kalkulator og søknadsskjema er endra for tiltaka «termisk isolering av rør og delar i energisentral», «varmepumpe væske-til-vatn» og «varmepumpe luft-vatn». Verdiane er oppgitt i kalkulatoren. Sjå også rettleiaren.
- Tekniske minstekrav er justerte for fleire tiltak. Sjå rettleiaren for meir informasjon før de søker.
Eksempel på energitiltak i kommunane
Oppgradering av vindauge
Kommunen reduserte straumbruken og halverte byggekostnadene ved å gjenbruke vindauge. Arbeidet ble gjort medan sjukeheimen var i full drift, og utan store forstyrringar for bebuarane.
Mytar og misforståingar
Kommunen som heilskap får innsparingar, men ofte på andre budsjett. Det er også mogeleg å kombinere tiltaka med anna vedlikehald, eller sal med startlån.
Nei, dette er først og fremst et sosialt og økonomisk verkemiddel. Dei tekniske krava er berre ei ramme.
Søknadsprosessen er enkel, og vi har ein god rettleiar. Dei aller fleste søknadene er godt innanfor krava til Husbanken. Vi rettleiar gjerne kommunen i forkant, dersom noko er uklart.
Meir om tilskotet
- Det er kommunane som søker tilskot og gjennomfører tiltak.
- Det kan bli gitt tilskot til energitiltak i utleigebustader, omsorgsbustader og sjukeheimar som kommunen eig.
- To tredjedelar av den tilgjengelege ramma blir fordelt til kommunalt eigde utleigebustader.
Tilskotet skal gå til tiltak som reduserer behov for kjøpt energi og til tiltak som produserer eigen, fornybar energi.
Kommunen kan få tilskot til desse tiltaka:
- Etterisolering av ytterveggar
- Etterisolering av yttertak/kaldt loft
- Utskifting av vindauge
- Termisk isolering av røyr og deler i varmesentral
- Varmepumpe væske-vatn
- Varmepumpe luft-vatn
- Solvarmekollektor
- Solceller
- Biokjel for fast brensel
- Tilskotet blir berekna ut frå normerte verdiar for kva det kostar å gjennomføre tiltaka.
- Tilskotet for kvart prosjekt skal ikkje overstige fem millionar kroner.
- Utbetalt tilskot kan ikkje overstige 50 prosent av dei faktiske kostnadene av tiltaka.
- Det er mogleg å søkje om tilskot til fleire prosjekt.
Her kan du utforske kva kommunen kan få i tilskot (Excel). Kalkulatoren gir ei førebels utrekning som kan brukast i budsjettprosessen til kommunen.
-
Kommunen søker om tilskot på vanleg måte via Husbankens e-søknadsløysing og ID-porten. Det er kommunen sjølv som tildeler rolle for å kunne søke. Tilgangen som kommunen gir må knyttas mot «Lån og tilskotstenester i Husbanken».
-
Kommunar som søker om tilskot til både omsorgsbustader og sjukeheimar, må sende inn to separate søknader.
- Det er ingen søknadsfrist for tilskotet, Husbanken behandlar søknadene fortløpande så lenge tilskotsmidla rekk.
- Tilskotet blir utbetalt når kommunen har dokumentert at tiltaket er gjennomført.
- Kommunen skal rapportere på kva tiltak som er gjennomført, kva slags bustader det er gjort tiltak i, og forventa redusert energibehov.
- Dersom heile tilskotsramma blir fordelt i løpet av året, vil nye søknader bli avslått.
Kommunen kan søke Husbanken om å få tilskotet utbetalt når tiltaka i prosjektet er gjennomførte og dokumenterte.
Send ny berekning ved endringar
Dersom det er endringar i tiltaka som kommunen har fått tilsegn om, eller at tiltak ikkje er gjennomførte, må kommunen sende ny berekning til Husbanken saman med skjema for utbetaling. Bruk kalkulatoren for det året tilsegnet blei gitt:
Søk om å få tilskotet utbetalt
Bruk dette skjemaet for å søke om utbetaling av tilsegn:
Søknad om utbetaling av tilskot - nynorsk (PDF)
Søknad om utbetaling av tilskot - bokmål (PDF)
Utbetalt tilskot kan ikkje overstige 50 prosent av dei faktiske kostnadene av tiltaka.