Midt-Noreg: To konferansar om bustadrådgjeving for eldre

Jobbar du med bustadrådgjeving, planlegging eller tenester for eldre i kommunen? Er du politikar, kommunal leiar eller fagperson? Då inviterer vi deg til ein fagleg og praktisk konferanse om bustader for eldre.

Program:

Programmet er det same i Molde og på Stjørdal

• Helsing frå Jan Hjelle, administrerande direktør Husbanken
• Kva er eldrebustadprogrammet, og kvifor skal vi satse på bustadrådgjeving?
  v/Birger Jensen, Husbanken
• Bustadsosial lov - kva seier lova om plikt til individuell rådgjeving?
  v/Daniel Bergameli og Eilin Reinaas, statsforvaltaren
• Frå paragrafar til menneskje - korleis gje tydelege og verknadsfulle bustadråd med innbyggjaren i sentrum?
  v/Karina Bjørkedal, Husbanken

• Kva seier Husbanken sine undersøkingar om behovet for råd og rettleiing? Vi ser på Boligundersøkelsen 2025 og rapporten Boligrådgivning i kommunene
  v/Merete S. Råen, Husbanken
• Aldersvenleg bustadutvikling - er omgjevnadene viktige for eit god val av bustad?
  v/Asle Gjermundrød, Senter for et aldersvennlig Norge
• Verdal kommune: Vår erfaring med bustadrådgjeving
  v/Siw Tone Valstad, Verdal kommune

• Lillesand kommune: Heilskapeleg plan for bustadrådgjeving, tverrfagleg samarbeid og brei involvering
  v/Annette Lauvås Haabesland, Lillesand kommune
• Gruppearbeid: refleksjonsoppgåve og case
• Avslutting, oppsummering og vel heim!

Molde - 23.oktober

Statsforvaltaren i Møre og Romsdal, Aldersvenleg Noreg, Møre og Romsdal Fylkeskommune og Husbanken inviterer kommunane i fylket til samling i Molde.

Dato: torsdag 23. oktober kl. 10:00 - 15:30

Stad: Scandic Alexandra Hotel, Molde

Meld deg på konferansen i Molde

Stjørdal - 30.oktober

Statsforvaltaren i Trøndelag, Aldersvenleg Noreg og Husbanken inviterer kommunane i fylket til samling på Stjørdal.

Dato: Torsdag 30. oktober kl. 10:00 - 15:00

Stad: Radisson Blu Hotel, Trondheim Airport, Værnes

Meld deg på konferansen på Stjørdal

På konferansen får du 

• oversikt over kommunen sitt ansvar og handlingsrom knytt til bustadrådgjeving for eldre - kva seier lovverket, og kva verkemiddel finst?
• innsikt fra andre kommunar - høyr gode døme frå praksis og del erfaringar
• arbeide med konkrete case - diskuter problemstillingar og finn løysingar saman med andre

Konferansen har som mål å gje deg

• styrkt kompetanse på rådgjeving og tilpassing av bustader for eldre
• større medvit om samanhengen mellom bustad, kvardagsmeistring og helse
• eit regionalt nettverk nettverk for erfaringsdeling og samarbeid

Arrangementa er ein del av Eldrebustadprogrammet (2024–2028) og støttar opp under Bo trygt heime-reforma. Reforma skal bidra til at fleire eldre kan bu trygt og godt i eigen bustad lengst mogeleg, og at behovet for helse- og omsorgstenester blir utsett gjennom betre planlegging, førebygging og meir målretta tenester.