Du er her:  Hovedsiden » Bostøtte » Jakta på nye bustønadssøkjarar held fram

Jakta på nye bustønadssøkjarar held fram

I januar har Husbanken setje i verk ei kampanje for å få media til å formidle informasjon om at fleire kan få bustønad. Sosiale medium som Facebook og Twitter vert òg brukt for å nå moglege søkjarar.

Sidan den nye bustønaden vart innført frå 1. juli 2009, har mange nye husstandar med låge inntekter og som slit med å betale husleiga kome inn i bustønadsordninga. Utbetalingane av bustønad auka med 12,5 prosent til 2,7 milliardar kroner.

Husbankens strategidirektør Bjørn Johan Pedersen er godt nøgd med resultata så langt, men understrekar at jakta på nye bustønadssøkjarar held fram. – No kontaktar vi redaksjonar over heile landet og prøver å få dei til å skrive om at fleire kan få stønad. Så langt har responsen frå redaksjonane vore god, og vi håper mange av dei som les artiklane bruker Husbankens bustønadkalkulator for å sjekke om dei kan få stønad, seier Pedersen. Mellom nyheitsmedia som har skrive om bustønaden i januar er Tønsbergs Blad, NRK Østfold, Avisa Bodø, Oppland Arbeiderblad og Agderposten.

Nødvendig med hjelp frå kommunane
Husbanken kjem til å halde fram med å setje i verk tiltak for å nå ut med informasjon om bustønaden til alle med dårlig råd og som slit med buutgiftene. Men strategidirektør Pedersen veit godt at Husbanken aleine ikkje kan lykkast med å nå alle.

– Det er nødvendig at kommunane gjer sin del av jobben. Det er dei som er i kontakt med innbyggjarar som slit med økonomien, og det er denne kontakten som er den mest effektive kanalen for å nå dei som kan trenge bustønad, seier Pedersen.

Han understrekar at mange kommunar alt har gjort mykje godt arbeid for å gjere den nye bustønaden kjent. Gode døme i så måte er Oslo og Lørenskog, som tidligare har vore omtala i ulike nyheitsbrev frå Husbanken.

Oslo: Mange nye bustønadsmottakarar etter informasjonsoffensiv
Lørenskog: Bustønaden aukar mest i Lørenskog

– Tiltaka som Oslo og Lørenskog har setje i verk bør fleire kommunar vurdere å kopiere, slår Pedersen fast.

Tek i bruk sosiale medium
I tillegg til å prøve å nå nye bustønadssøkjarar gjennom redaksjonell omtale i aviser og på radio og tv, brukar Husbanken Facebook og Twitter til å spreie informasjon om den nye bustønaden.

– Vi har oppretta vår eiga side på Facebook, og jobbar med å få så mange som mogleg til å vitje oss der. Målet er å nå grupper som ikkje brukar offentlege nettstader og tradisjonelle nyheitsmedia. Utfordringa er å gjere folk klar over at vi er til stades. Vi oppmodar alle medarbeidararne våre og andre som arbeider med bustønad som nyttar Facebook, om å invitere folk til å vitje Husbanken si Facebookside, der ein mellom anna får tilgang til bustønadkalkulatoren, seier Pedersen.

Du kan vitje Husbanken på Facebook via denne lenkja. Om du alt er logga inn på Facebook, kan du komme til Husbanken si side ved å skrive inn Husbanken i søkjefeltet øvst til høgre på sida.

Ingressfoto: Colourbox.com